香港網民票選十大最厭惡無線藝員!邊個大熱跑出?

↓分享本文至社交平台↓
Share on FacebookShare on TumblrTweet about this on TwitterShare on Google+Digg thisEmail this to someone

Fc2Me(网友)怎么说:

木子田心捷吴若希那张相片怎么那么难看

香港藝人何其多,但系你鍾意嘅又有幾多個?有網民就搞搞新意思票選佢的最厭惡嘅十大無線藝員。經過一場龍爭虎鬥之後,暫時賽果如下:

香港網民票選十大最厭惡無線藝員!邊個大熱跑出?

第十位:羅鈞滿

羅鈞滿自出道以來負面新聞一籮籮,先有醉駕再醉駕、擦公司鞋、仲成為負皮王,更引申到網絡潮文《做人別太羅鈞滿》、被指瞞正印張文采飛韓國溝空姐、喺韓國撩江湖大佬女友搞到被屈錢,最後仲要高層「珊姐」搵律師幫手。雖然無綫之前俾機會佢喺節目公開認錯,不過睇嚟冇咩用喎。

香港網民票選十大最厭惡無線藝員!邊個大熱跑出?

第九位:黃翠如

本身貴為宅男女神嘅翠如BB,自然得嚟唔造作嘅個性得到唔少觀眾支持,不過自從翠如BB極速上位後,差唔多套套劇都做第一女主角,隻可惜演技麻麻、俾網民插佢話每個表情都一樣。加上搭上蕭正楠之後人氣開始下滑、佢又表示好驚粗口,不過又被網民翻出以前佢喺節目中話過:「人生有些時候,難免很想說臟話」,被批評偽善。嚟緊播出嘅劇集《為食神探》都會有翠如BB嘅演出,唔知到時佢嘅排名會唔會上升呢?

香港網民票選十大最厭惡無線藝員!邊個大熱跑出?

第八位:陳凱琳

雖然陳凱琳經常被網民狂插佢演技差、誇張造作兼成日超高音尖叫,不過其實網民最睇唔過眼嘅就系佢明明無實力,但系就瘋狂被力捧。麻煩大傢留意返,《巨輪II》喺月尾就出街,到時又會見到陳凱琳㗎啦!

香港網民票選十大最厭惡無線藝員!邊個大熱跑出?

第七位:陳百祥

其實每一次有類似嘅排行榜,叻哥都一定榜上有名。一向言論出位嘅佢近排喺節目大談新世代,批評網民「憎人富貴厭人貧」,又指年輕人「讀壞書」,仲話黃之鋒連「八間大學」也考不入,點話佢叻喎!咪搞到一班網民又再圍插佢蘿!另外,最近叻哥亦為巴西裡約奧運節目擔任主持,不過期間佢嘅「偉論」就引起觀眾不滿。佢將單車選手喺凱琳賽嘅排位比喻做賽馬中嘅排位,仲話排第一檔嘅都會輸,但系偏偏初賽嘅時候李慧詩就好爭氣咁喺第一排位勝出。有網民好嬲咁留言問佢系唔系想毒害體育運動。

香港網民票選十大最厭惡無線藝員!邊個大熱跑出?

第六位:李思捷

被喻為「溝女王」嘅李思捷,緋聞多多。佢之前嘅《今晚睇李》又俾人踢爆系抄外國清談節目;近排佢套新劇《超能老豆》亦唔太收得。睇怕今次呢套sell溫情嘅劇亦未能挽回觀眾對佢心目中嘅花弗形象。

香港網民票選十大最厭惡無線藝員!邊個大熱跑出?

第五位:林師傑

喺處境劇扮乖仔「木偶哥」嘅林師傑星途麻麻,不過就經常見報。緋聞不斷嘅佢先後有過唔少緋聞女友,連佢舊愛鄧穎芝都暗寸佢隔日就影到一個。不過自從佢被「無綫咪神」歐陽巧瑩私有化後,周不時喺社交網站大曬恩愛。早前仲傳佢的已經喺圍村擺酒秘密結婚添,不過又話經高人指點後,40歲先會考慮結婚,因為怕早婚會離婚喎~

香港網民票選十大最厭惡無線藝員!邊個大熱跑出?

第四位:林盛斌(Bob)

本來主持瞭得又搞笑嘅林盛斌(Bob)都幾有觀眾緣,接到唔少Job。不過唔知系咪因為之前同吳若希一齊主持《街頭魔法王》系列成日講「俾啲掌聲啦!」,煩到大傢唔想睇呢?

香港網民票選十大最厭惡無線藝員!邊個大熱跑出?

第三位:蔡思貝

蔡思貝又名「高音貝」、「達哥」嘅佢同樣系無綫力捧花旦之一。雖然演技幼嫩,不過就經常做女一。唔少網民都話見到佢都想轉臺,不過可能早排播出嘅《純熟意外》入面佢唔再系天真少女,把聲冇之前咁高音,反而網民覺得佢有進步,所以未至於去到第一位。

香港網民票選十大最厭惡無線藝員!邊個大熱跑出?

第二位:吳業坤

本來大傢都好同情吳業坤,有唱功但不被無線重用更被淪為棋子。但自從佢拎左男歌手獎之後就似乎松毛松翼,經常亂講野。而且唔知系咪紅左之後多左女埋身,緋聞越來越多,搞到以前傻傻戇戇嘅宅男形象冇曬,變左偽毒坤。

香港網民票選十大最厭惡無線藝員!邊個大熱跑出?

第一位:吳若希

洗腦歌後吳若希憑著佢把雞仔聲、幼嫩演技、同超高嘅曝光率成功成為最令人厭惡嘅藝員第一名,「煩膠」形象深入民心。自從《越難越愛》之後,吳若希主唱嘅主題曲真系多到數唔曬,聽到你同我都覺得煩。同埋喺《街頭魔法王2》同埋《街頭魔法王之魔王之王》入面,每當魔術師表演完,佢就會用高八度聲線講「典解嘅?典解嘅?」、「好犀利呀!」、「Louis你好叻呀」、「好打耳!」等等,佢成日都We嘩鬼叫,真系睇到大傢覺得好厭惡。加上佢近期又經常放閃光彈,搞到一班宅男粉絲走曬,睇嚟佢真系要諗諗計!

香港網民票選十大最厭惡無線藝員!邊個大熱跑出?

香港網民票選十大最厭惡無線藝員!邊個大熱跑出?

Fc2Me娱乐新闻转载地址:http://toutiao.com/a6320941413865406721/

↓分享本文至社交平台↓
Share on FacebookShare on TumblrTweet about this on TwitterShare on Google+Digg thisEmail this to someone

未经允许不得转载:Fc2me » 香港網民票選十大最厭惡無線藝員!邊個大熱跑出?

赞 (0)
分享到:更多 ()

评论 0

  • 昵称 (必填)
  • 邮箱 (必填)
  • 网址